وجّه الإعلامي محمد الخماسي رسالة لمريم بن مامي بعد أن كان من المقرر أن تكون ضيفته اليوم في برنامج الدوامة ولكنها قدمت متأخرة، وقال الخماسي على المباشر :”
ضيفتي اليوم لا تحترم مواعيدها ، الموعد هو ال16:00 على المباشر … تجي ال 16:20 وتعمل بعض الشروط ما تسألنيش هذا ونحيلي هذا واعلمني بالأسئلة وأسئلتك مايعجبونيش وأعرف كيفاش تسألني وتحاورني … للأسف مادام مانخدمش بالإملاءات ومانخدمش بالطريقة هاذي ونعتذر من مستمعينا على العشرين دقيقة تأخير ونعتذر على الإختيار الغير الصائب … سيدتي أنت اليوم مقدمة برامج ونعرف هاذي حاجة صعيبة عليك شويا لكن المباشر صعيب شويا زادة وكي نقولو ال16:00 موش معناها ال16:17 … ضيفتي كانت مريم بن مامي وأنا مانقبلش الطريقة هاذي ومانقبلش شكون يعمل هكا وإلي مايحترمش الناس إلي قاعدة تسمع فينا … نخليكم مع الموزيكا والاغاني و نعديو سويعة من الموزيكا خير ملي نعدوها في حاجات أخرى”.
