تداولت صفحات مواقع التواصل الاجتماعي مقطع فيديو ظهرت فيه مديرة مدرسة بحي التضامن، وتحدثت المديرة بثقة كبيرة مخاطبة الأولياء والتلاميذ في خطاب أثار تفاعل وإعجاب التونسيين حيث قالت :”التلامذة يا يحترمو المعلم يا يشدو ديارهم.. اليوم عمره 6 سنين يحترم المديرة والمعلم غدوة 12 سنة ما يقعدش تحت الحيوط.. أولادكم ما نحبوش نربيوهم بالخوف.. أنا نحب الجيل هذا يغيّر النظرة على حي التضامن ويغير العباد الي قاعدة تحت الحيوط والي تسرق..”.
وأضافت :” الأطفال هذوما باش نقريهم وباش يوصلو.. وأهم حاجة الأخلاق.. نحبوهم يحبوها المدرسة ويحبو بلادهم لأنهم كرهوها.. ويا أولياء اتلهاو بأولادكم وتفقدوهم”.
وقد أثار مقطع الفيديو تفاعل التونسيين وعلقوا عليه :”برافو يا صنديدة.. هكا لازم يكون مدير المدرسة راكز و صاحب شخصية قوية و عندو روح المربي و الغيور على المدرسة و يعرف ما معنى مسؤولية، Bravo لمديرة مدرسة حي التضامن”.
وخلال تدخلها مع جعفر القاسمي عبر موجات ديوان أف أم قالت السيدة فتحية الشارني :”تونس محلاها بينا الكل.. نحن جسر تمر عليه كل الأجيال وسيتغيرون شويا صبر.. والله تونس باهية.. الكلام هذاكا خرج من القلب ووصل لقلوب التونسيين..”.
