بعد اعلامهم بوفاته في المستشفى : عائلة تونسية تستخرج مضمون لابنها فتكتشف أنه حي بعد 23 عاما

تحّدثت مواطنة تونسية في تدّخل لها على إذاعة ديوان أف أم عن إكتشاف عائلتها لوجود شقيقها على قيد
الحياة بعد 23 سنة من إعلامهم بوفاته في المستشفى و ذلك بعد استخراج مضمون له و قالت :” سنة 2000
امي جاتها الولادة مبكرة بعثوها من باجة لسبسطار وسيلة بورقيبة في تونس و البيبي عندو ولادة مبكرة
شدوها هي وياه وهو في صحة جيدة شدوهم جمعتين و هي ماشافتوش جملة … كان مرة واحدة و بعد يعطوه
الحليب يرضع بالبيبرون و بعد لاباس .. بقاو يسألو فيها قداش عندك صغيرات و كل شي و ماخلوهاش
تشوفو جملة يقولولها تاعبة ماتنجميش ونهار مشات تشوفو قالولها راو تاعب”.
و أضافت :”كي تعدات 15 يوم قالولها توفى الصغير وربي يفضلك صغيراتك … قالتلنا امي قلبي مابردش عليه
اما ديما تقوللنا ولدي عايش ما ماتش .. مشات تخرج مضمون بعد ما ولداتو ب5 سنين لقات في المضمون حي
.. وقالو في البلدية مش موجود ضمن الاموات في الارشيف مالقيناهش انه متوفي “.