مرصد الأحداث
Image default
مجتمع

يهددهم بسكين و يفتّك أموالهم :صرخة شابة تعيش في خطر بسبب أخيها البلطجي

وصلتنا رسالة من شابة تونسية فيما يلي نصها :” إسمي سيرين عاشور عمري 29 سنة نسكن في تونس الوردية بابا متوفي و نعيش مع امي و اختي أكبر مني و خويا عمرو 31 سنة زادا اكبر مني بطال نهار كامل في الدار يبدا يتلكش علي انا و اختي و يتبورب علينا خاطرنا بنات و كي نرجعو عليه أقل كلمة يجبد علينا سكينة و يبدأ يتهدد و يكفر و يعيط و يقول لما نقتل وحدة فيكم و قداش من مرة يجبد علي سكينة و نهرب من الدار و نبات في الشارع والله خاطر القانا بنات و احنا دارنا على طاقين كل دار وحدها مشى سكرها الدار الفوقانية و قال ميدخللها حد اذيكا داري و عايش معانا في الدار لوطانية و يقوللنا كان عجبكم و كالعادة نرجعو عليه أقل كلمة يجبد علينا سكينة و حتى مع امي يتقبح و بطال و مارجها على الفلوس و كي متعطيهوش يبدأ يكفر علاها و يجبد موس لام و يتهدد بش نشلط و امي تخاف منو منجمتش حتى تعمل شي و هو ميخليهاش تخرج بش متحكيش للجيران بش الجيران و العباد ميسمعوش بيه اش عامل في امو و اخواتو والله تعبنا منو نحب نشكي بيه معرفتش كيفاش و وين باللهي هبطلي مشكلتي بش أولاد و بنات الحلال يعاونوني خاطر والله مرضني نفسانيا و معيشنا في رعب خاطر القانا بنات معندوش راجل ياقفلو”
الحرارة نيوز

اقرأ أيضا

تونسية تثير الجدل :”الراجل الي نعرفو يقلي امشي معايا للدار والا السينما”

شاب تونسي :”أولاد حومتي الكل حرقو.. أنا فلوس الحرقة عملولي 8 مشاريع وفي بلادي”

كلمات مؤثرة من أم تونسية :”عندي السرطان في الدم باش نمشي ونخلي صغاري.. ادعولي بالشفاء”