تحدّثت الفنانة الشعبية زينة الڨصرينية عن بداياتها في الفن الشعبي وعن معاناتها قبل التحصل على شهادة الاحتراف الفني.
وقالت :”أنا تعذبت وبكيت.. أنا كي دخلت للفن حبيت احتراف في الفن .. خاطر ساعات يعرضونا الحاكم ويطلبوا شهادة احتراف … وأنا كنت مرشدة اجتماعية ودخلت للفن عن طريق فرقة إسماعيل الحطاب … نركب ونمشي للقصرين لسي مصطفى التليلي القصاب بديت نبكي قتلو مايحبونيش ناخذ بطاقة احتراف ويحبوني نبقى تحت يديهم نغني وأنا نحب نولي فنانة محترفة ونعمل فرقة ، قعدت جمعتين والراجل مانخليهش يرقد يعلم فيا … الناس ترقد وأنا نبدى تحت الكوفيرتة نعاود فيه بالشوي..”.
وأضافت :”نهار إلي دخلت تونس باش نعدي الاحتراف ، مانعرفش تونس كنت بدوية في العاصمة .. مكانش عندي حق تاكسي كي هبطت من اللواج قعدت نمشي على ساقيا ونسأل في الناس ، ووقتلي دخلت قالولي الوقت فات … بديت نبكي ، فما شكون قبلني ووقتلي بديت نغني خرجوا الكل من بيرواتهم وقعدوا يسمعوا فيا … وتعلمت ونفحت وتعبت ودمرت ليل ونهار على الفن”.
