قال الممثل و المخرج محمد علي النهدي في برنامج ليالي رمضان على راديو ماد في علاقة بآراء الفنانين و الممثلين في الاعمال الدرامية :” اليوم كي نعطيو راينا في بعضنا العباد تاخذها بالخايب ،كان تشكر عمل الزملاء ما يقولوكش شكرا، لكن كي تذم يتغششو عليك و هذا اش صار كي عطيت رايي في كان يا ماكانش..”.
وأضاف النهدي قائلا :” يحبو ينحيو شوفلي حل قال شنو خذا نسب المشاهدة الكل ، يا سيدي اعملو حاجة اقوى منو تو يتنحى وحدو ، ما يطيح على الرطل كان الكيلو، في تونس 2022 المواضيع الكل نطروحها في الدراما مفماش مشكل في الطرح لكن الاشكال مفماش خيال و حلمة و جمالية”.
وحول أعمال سامي الفهري وتكلفة الإنتاج في تونس قال :”أقل حاجة سامي الفهري صرف 4 مليارات بين فوندو و براءة ولازم يرجعهم هذا هو الانتاج”.
