تدخلت الممثلة القديرة سلمى الحفصي في أول ظهور إعلامي بعد غياب 20 سنة في فقرة “ستار زمان” على إذاعة ديوان أف أم وتحدثت عن سبب غيابها وعن الأعمال الرمضانية الحالية وقالت :”نحب نحيي الناس الي ديما تسأل عليا على مواقع التواصل الاجتماعي لطف منكم و ربي يبارك فيكم..أنا موجودة هوني في تونس ما سافرتش أما مشاغل الحياة ما تنجمش تتشارك الفكر مع حاجات أخرى.. المسلسلات باللغة العربية كيما بنت الخزاف نجحت لأنها كانت مميزة و عائلية و لمت مجموعة من أهم الممثلين و خصوصاً النص كان مميز هذا ما يعنيش الي اعمال توا خايبة بالعكس باهية أما مختلفة و تطورت و مواضيعها ساعات ماهيش متاع رمضان حتى البرامج و الحوارت تبدلت و بعدت على تقاليدنا الاخلاقي.. اللغة العربية الفصحى لغتنا الأم ماهيش صعيبة أما خاطر ما نستعملوش فيها ديما.. اطفالنا يتكلمو العربية من الكوميك و العربية أفضل من كلمات الشارع الدارجة في المسلسلات الي ينجمو صغارنا يحفظوها.. احنا نبعدوهم و احنا نقربوهم احنا نردو اللغة العربية سهلة و مستساغة و احنا الي نردوها صعيبة..الناس المسؤولة على البرمجة هوما الي يختارو الأعمال بالعربية هاذي تكون موجودة او لا و الممثل كي يسألوه ويني الأعمال بالعربية ما ينجمش يجاوبهم.. ان شاء نرجع عن قريب مش القريب العاجل عام أو عامين فقط صغاري يكبرو شوية”.
