نشر الإعلامي بقناة الحوار التونسي حمزة البلومي يوم الأربعاء 15 جوان 2022 صورة له رفقة زوجته موجها لها رسالة رومانسية احتفالا بعيد زواجهما الثامن وقال حمزة :”8 سنين لتالي في مثل هذا اليوم.. وانشاء الله 100 سنة وانت الحب .. نحبك..
سنين لتالي.. قلبي يضرب على قوة جهدو.. حطيت ركبة على القاعة.. شديتلها يدها وقلتلها “تحبشي تعرس بيا”.. بعد ما تعاركنا باااارشا مرات.. بعد ما تنبزت مني قداش من مرة.. رجعنا لبعضنا وكل مرة بحب أكبر وأكبر.. ونهار 12 سبتمبر 2012 قررت باش نتعداو في علاقتنا لمرحلة أخرى ونكونو عائلة. بالدموع وببرشا تأثر قبلت.. وبدينا التخطيط للعرس.. 8 سنين تعداو على نهار كان استثنائي.. 8 سنين تعداو من قصة عمرها فوق العشرة سنين.. رغم مشاغل الدنيا ومشاكلها.. كل يوم نزيد نحبها أكثر وأكثر !!! ربي يخليك ليا ولعمورة”.
